БЖЗҚ активтерін ҚР оңтүстігіндегі энерготапшылықты төмендету жобасына салады

17 Мая 2016 1606 БЖЗҚ, энерготапшылық,

Алматы. 17 мамыр. Ақпараттар орталығы. Бірыңғай зейнетақы жинақтаушы қорының (БЖЗҚ) активтерін Қазақстанның оңтүстігіндегі энерготапшылықты төмендету жобасына инвестициялайды, деп мәлім етті ҚР Ұлттық банкі (ҰБ) төрағасының орынбасары Ғалымжан Пірматов.

Ол квазимемлекеттік сектордың субъектілерін негізделген қаржыландыруға 10-15 жыл орналастыру мерзімімен 400 млрд. теңге жұмсау жоспарланып отырғанын айтты.

Өз сөзінде ол маңызды бағыттардың ішінде энергия тапшылығын төмендету үшін «KEGOC» АҚ-тың «Солтүстік-Шығыс-Оңтүстік» жобасының іске асырылуын жеделдету, агроөнеркәсіптік кешеннің басым жобаларын қаржыландыру, бірінші кезекте ет пен сүт өндіру және қайта өңдеу, ауылдық елді мекендерде кең ауқымды Интернет желісіне қолжетімділікті қамтамасыз етуді атап өтті.

«Бүгінгі күні аталған бағыт бойынша 50 млрд. теңге инвестицияланды. Қалған сома эмитенттердің дайын болуына қарай 2016 жыл ішінде инвестицияланатын болады», - деп атап өтті Ғ. Пірматов.

Ұлттық банкте атап өткендей, БЖЗҚ-ның зейнетақы активтері 2016 жылы бірқатар бағыттар бойынша инвестицияланатын болады, оның ішінде 600 млрд. теңгені екінші деңгейдегі банктерді және квазимемлекеттік сектор субъектілерін негізделген қаржыландыру арқылы шағын және орта бизнесті қолдауға және экономиканың аса маңызды секторларын ынталандыруға жұмсау жоспарланып отыр.

БЖЗҚ-ның зейнетақы активтерін инвестициялау эмитенттердің кредиттік рейтингі және басқа экономикалық факторларды ескере отырып, нарықтық мөлшерлемелер бойынша қайтарымды негізде жүзеге асырылуда.